HOROSKOPI I PËRGJITHSHËM I VITIT 2008

BRICJAPI
(22. XII – 20. I.)
E përgjithshme
Shenja juaj konsiderohet si e zellshme në punë; me këtë cilësi do ta shprehni veten gjatë këtij viti. Qëndrimi juaj praktik në jetë do t’jua bëjë të lehtë të përqendroheni në përmbushjen e gjërave në kohën e duhur. Do të mbani qëndrim realist këtë vit dhe do të ndiheni shumë seriozë. Do të kaloni kohë duke diskutuar tema që nuk ju interesojnë, por do të kuptoni se përfshirja në aktivitete që s’janë të rëndësishme për ju ka përfitimet e veta. Në jetën personale do ta shprehni veten në mënyrë më pasionante dhe do të vini re se po zhvilloni ndjeshmërinë në mënyrat si i trajtoni të tjerët. Jeta juaj do të marrë një kuptim tjetër kur të kuptoni se një pjesë e juaja nuk ka qenë seriozisht e interesuar në gjithçka. Do të gëzoheni kur të mësoni se të tjerët duan t’ju dëgjojnë. Në këtë vit do të shprehni integritetin personal, shpirtëror dhe emocional. Do të inkurajoheni të eksploroni sistemet tuaja të besimeve këtë vit. Mundësitë që provokojnë mendimet do të jetë të shumta, kjo është arsyeja e zbulimit se jeta juaj ka nevojë për reformë.

Dashuria dhe marrëdhëniet
Këtë vit do të jeni të vendosur t’i realizoni imagjinatat tuaja më të larta. Partneriteti tuaj do t’ju sjelle rehati në momentet më të mira. Dëshira juaj për luks do të nxitet nga një marrëdhënie e re dashurore në jetën tuaj. Ky person special do të nxisë anën tuaj artistike, pasionante dhe energjike. Aftësitë tuaja të komunikimit do t’ju ndihmojnë ta bëni këtë person për vete. Do të tërhiqeni nga ideja e partneritetit dhe ky person do t’ju ndihmojë të kultivoni një pikëpamje realiste. Do t’ju pëlqejë varieteti dhe kjo marrëdhënie e re do t’ju japë mjaft mundësi për të rizbuluar veten.

Do të jeni një gjykatës i mirë karakteresh dhe do të vlerësoni bukurinë e gjërave, por jo veçmas vlerës së tyre. Aftësitë që keni për t’u kujdesur për të tjerët do t’i japin kuptim vetes suaj për këtë vit. Do të shijoni shkëmbimin e shprehjes interpersonale dhe do të gjeni kuptim të ri në jetën tuaj. Sharmi i brendshëm dhe tërheqja do të vijë në mënyra të reja dhe dashuria juaj do të jetë plotësisht e kënaqshme. Marrëdhëniet e rastësishme nuk ekzistojnë në jetën tuaj.

Karriera dhe financat
Do të ndiheni të ekuilibruar dhe harmonikë në përpjekjet e karrierës në vitin 2008. Do të jeni mjaft fluidë në mënyrën si e shprehni veten, në mënyrë verbale dhe të shkruar, dhe do t’ia dilni mbanë të gjeni punë në komunikim. Keni mjaft mundësi të përfshiheni në mbretëri të reja të zbulimeve shkencore. Ky stimulim mendor do të hapi dyert për ta shprehur me krijimtari mendjen tuaj vizionare.

Do të keni aftësi t’i kapni konceptet e reja me shpejtësi dhe njerëzit do ta mirëpresin këtë aftësi tuajën. Do të zbuloni subjekte dhe disiplina të reja. Dëshira juaj për të mësuar subjekte të reja do t’ju bëjë popullorë. Jeni me të vërtetë ambiciozë dhe do të gjeni diçka të rëndësishme për të ndarë me të tjerët gjatë gjithë vitit. Do të keni aftësi të mira për të këshilluar të tjerët dhe për të ndarë opinionin tuaj origjinal.

Njerëzit që ju rrethojnë duan aftësi të veçanta në komunikim, dhe ju jeni personi që i keni këto. Viti 2008 do të jetë i kënaqshëm për sa i përket marrëveshjeve të reja tregtare. Ju keni mënyrën tuaj të të sjellurit, gjë që do t’ju vërë në qendër të vëmendjes.

UJORI
(21. I – 21. II.)
E përgjithshme
Në këtë vit shenja e Ujorit do të shkëlqejë me forcë. Ju vërtet jeni një vizionar me një ndjesi të lartë qëllimi dhe një mënyrë të avancuar të të menduari. Do të jetë shumë e lehtë të shprehni individualitetin dhe idealet altruiste. Do të lindin mjaft mundësi të reja për të shprehur ndjenjat e vërteta dhe perceptimet në mënyra që do të rrisin besimin. Do të zbuloni se keni mënyra unike për të krijuar para këtë vit. Do të jeni të aftë t’i sillni idealet tuaja vizionare në një nivel personal dhe të tërhiqni shpërblime të prekshme prej të cilave do të përfitojë sistemi juaj i vlerave. Shpreheni veten në një mënyrë më imagjinatave. Do të zgjidhni të eksperimentoni me stile të ndryshme jete këtë vit. Do të keni dëshirë të fortë për pavarësi dhe nuk do t’ju pëlqejë të punoni për të tjerët kaq shumë, por doni të keni biznesin tuaj; për këtë arsye do të motivoheni të mendoni për mënyrën si të nisni një biznes të ri. Karriera juaj mund të marrë një tjetër drejtim. Përdorini aftësitë intiutive për të realizuar gjërat.

Përpjekjet tuaja do bëjnë që burimet e reja të zhvillohen në jetën tuaj për më mirë. Do të shqetësoheni për ndryshimin e mjedisit fizik. Në marrëdhëniet dashurore këtë vit do të jeni mjaft energjikë dhe do të tërhiqi një person të rëndësishëm.

Dashuria dhe marrëdhëniet
Do t’ju pëlqejë të dilni nga qyteti dhe të eksploroni vende të reja. Do të ndiheni të lidhur me të tjerët më shumë se një vit më parë. Do të keni një natyrë demonstrative dhe të kujdesshme. Ky vit do të jetë viti ku do të braktisni mënyrën e vjetër të të menduarit. Duhet të rrethoheni nga njerëz që vlerësojnë shprehjen teatrale të emocioneve. Do të ndjeheni në gjendjen më të mirë kur të ndihmoni të tjerët dhe të shqetësoheni për opinionet e tyre. Do të përjetoni nevojën për ta shprehur veten me qartësi dhe t’i përvisheni punës që nevojat tuaja të përmbushen gjatë këtij viti. Do të jeni besnikë në marrëdhënie dhe do të prisni të njëjtën gjë në shkëmbim.

Do të shijoni të gjithë entuziasmin në jetën tuaj dhe nuk do të jetoni pa personin ideal që ju bën kaq shumë surpriza dhe ju mahnit. Do të bëheni ëndërrimtarë dhe do të kërkoni emocione, megjithatë ëndrrat mund të reflektojnë të vërtetat e nënndërgjegjshme. Do të shijoni udhëtimet dhe do të kaloni pushime të këndshme. Do të gjallëroheni nga një marrëdhënie harmonike dhe tek të tjerët do të shihni vetëm cilësitë e mira. Në martesë, do të keni mundësinë të ekuilibroni energjinë. Do të ndanime lehtësi natyrën tuaj të ndjeshme dhe të kujdesshme, e cila është shumë e përkushtuar dhe besnike.

Karriera dhe financat
Keni mendje shpikëse dhe logjike; do të jeni plot me energji për të nisur projektet e reja këtë vit. Do të keni sukses të hetoni metodat e reja dhe t’i sillni mundësitë e reja në frontin e veprimit. Do të keni sukses në fushat e partneritetit dhe në marrëdhëniet e biznesit. Do të keni gjykim të mirë, diplomaci dhe takt. Integriteti juaj financiar do të thellohet në vitin 2008, dhe përfitimet do të merren përmes miqësive influenciale që do t’ju ndikojnë të realizoni ëndrrat. Do të jeni të ndërgjegjshëm dhe do të punoni mirë me grupe të virtytshme dhe me ideale të forta humanitare. Do t’ju pëlqejë puna me të tjerët dhe do të keni burimet e duhura që do t’ju ndihmojnë në karrierën tuaj. Do të mësoni më shumë në jetë sesa në shkollë. Idealet nuk janë të rëndësishme nëse nuk aplikohen në mënyrë praktike. Marketingu do të jetë i favorizuar që ju ta përdorni taletin tuaj në zona të tjera që kanë nevojë për krijimtari. Do të analizoni me sukses situatat që kanë një mentalitet praktik me fuqi të mëdha arsyetimi. Të tjerët do t’ju konsiderojnë si pikë mbështetje dhe e dinë se mund të mbështeten tek ju për çdo rast. Do të ketë një lidhje të fortë mes ndërgjegjësimit të brendshëm dhe ambicieve profesionale në botë.

PESHQIT
(20. II – 20.III.)
E përgjithshme
Peshqit do të kenë mundësi të rralla për ndryshime të mëdha këtë vit. Do t’ia kaloni shumë mirë, duke shprehur dashurinë dhe dhembshurinë për botën dhe do të përmbushni ëndrrat tuaja më të guximshme. Do të dini me saktësi se cila është rruga që duhet të ndiqni dhe do të ndjeni se çfarë është e drejtë në zemrën tuaj. Do të sfidoheni të kapni çdo mundësi të re në ajër, gjë që do të transformohet edhe në karrierën tuaj. Do të fitoni pushtet me lehtësi, veçanërisht gjatë prillit, atëherë kur do të shprehni dhe mentalitetin vizionar. Mund të rizbuloni aftësitë tuaja muzikore dhe ta shprehni veten në mënyra krijuese. Do të keni forcën dhe frymëzimin të sillni ndjeshmëri mistike rreth e rrotull jush. Është koha ta lini të shkëlqejë ana juaj mistike dhe e dhembshur.

Mund të doni të përfshiheni në shkrime, qoftë lirike qoftë poezi, apo ndoshta vetëm refleksione. Natyra juaj idealiste do të frymëzohet nga një lidhje e fortë me mjedisin dhe do të shprehni me lehtësi veten. Aftësia juaj e natyrshme për të komunikuar idetë tek të tjerët do të jetë receptive këtë vite. Përqendrohuni tek intuita dhe do t’ia dilni mirë në çdo rrethanë.

Dashuria dhe marrëdhëniet:
Çështjet shtëpiake do të jenë jashtëzakonisht të rëndësishme për ju gjatë këtij viti. Do të ndiheni afër atyre që dashuroni në mjedisin shtëpiak.

Jeni selektivë për lidhjet emocionale. Do të keni shumë miqësi pozitive dhe do të ndiheni shoqërisht të rehatshëm. Duke qenë se shenja e Peshqve është e ndjeshme dhe motive, do të tregoni dhembshuri dhe do të nxirrni në pah personalitetin tuaj të dashur; pikërisht këtë gjë vlerëson seksi i kundërt tek ju. Jeni idealistë dhe vetësakrifikues. Njerëzit ju adhurojnë, veçanërisht me një jeni një mik dhe partner besnik. Ndonjë film romantik apo leximi i një libri do të nxisë fantazinë e një marrëdhënieje intime. Do të gjeni lumturinë kur të lidheni me veten e brendshme dhe do të funksiononi më mirë kur t’i qëndroni besnikë vizionit tuaj rrënjësor në botë. Gjeni dikë që të ndajë të njëjtin vizion. Niveli juaj i rehatisë pa dyshim që do të pësojë disa sfida këtë vit. Madje mund të ndjeni nevojën të lëvizni në një bazë të përhershme. Rreziqet emocionale nuk janë diçka për të cilat ju do të jeni të gatshëm.

Mund të ndiheni të pasigurt për të ndarë dashurinë me dikë. Si rrjedhojë, do të ndiheni të cënueshëm dhe të gjallë.

Karriera dhe financat
Me natyrën tuaj të fortë dhe etikën e mirë në punë, ky do të jetë viti ideal për të punuar me njerëzit dhe për t’i lënë disa prej cilësive tuaja të fshehura të shkëlqejnë. Jeni një menaxher i mirë dhe do të ishit një model i mirë për të motivuar të tjerët. Parimet tuaja të larta do t’ju shpërblejnë. Puna në një fushë edukative, ndoshta në mësimdhënien e filozofisë dhe të metafizikës, do të ishte shumë mirë për ju.

Ndiheni në pozicionin tuaj ndërsa i mësoni të tjerët parimet e pakuptueshme, pasi keni punuar kaq shumë për të fituar vetë-ndërgjegjësimin. Për shkak të dhembshurisë suaj dhe se jeni një dëgjues kaq i mirë, njerëzit do të tërhiqen prej jush dhe do të vinë t’ju kërkojnë këshilla. Jeni mjaft ambiciozë dhe do të bëni të pamundurën të arrini qëllime tuaja. Këtë vit do të arrini sukses. Do t’ju kërkohet të bëni hapin e parë për të ndihmuar të tjerët në mënyra të reja. Do të kaloni përmes transformimeve të mëdha gjatë gjithë vitit, edhe në karrierën tuaj. Mund t’ju lindin mundësi të papritura, si për shembull në fushën e udhëtimit. Përpiquni të eksploroni horizonte të reja, meqë është koha e përkryer për të zgjeruar repertorin e aftësive dhe njohurisë.