Kristaloterapia - Shërimi përmes gurëve fisnik

▪ Shkenca e jonë bashkëkohore sot disponon me dëshmi tejet bindëse materiale, se llojet e ndryshme të kristaleve, që nga kohërat më të lashta, janë trajtuar si simbole të fuqisë dhe pasurisë. Zakonisht, ishin të vendosura si stoli shtesë të amuleteve dhe talismanëve të ndryshëm, që konsideroheshin relikte mbrojtëse nga e keqja në veçanti, si dhe fatsjellëse dhe fatlume për një mirëqenie gjithëpërfshirëse individuale dhe kolektive, në përgjithësi.

Këta popujt të lashtë, që moti kishin në dijeni se llojet e ndryshme të kristaleve, emetojnë rrezatime elektromagnetike me frekuenca të caktuara valore, të cilat përputhen me ritmin e caktuara valore të harmonisë hyjnore që funksionon në Univers.

Duke e konsideruar sëmundjen si një çrregullim të mu kësaj harmonie natyrore, ata praktikonin që përmes lloje të ndryshme të kristaleve, ta rivendosin dhe balancojnë këtë ritëm të trazuar që shfaqej si reagim organik ose psikik në formë të sëmundjes.
Aplikuesit e shërimit përmes kristaleve dhe gurëve fisnik, kur i përdorin ato, mbështeten mu në faktin se, gurët fisnik dhe ata gjysmë fisnik, secili prej tyre, në vetvete ka energji rrezatuese që prodhon efekte shëruese në trupin, shpirtin dhe psiken e njeriut.

Gurët fisnik nuk rrezatojnë vetvetiu energji nga burimi i tyre, por e japin atë përmes shndërrimit të dritës në nxehtësi.

Çka janë gurët shërues - fisnik?

Gurët shërues janë ata gurë fisnik që posedojnë shumëllojshmëri ngjyrash, kanë energji të madhe valëzuese dhe janë minerale me vlera të larta. Secili gurë fisnik i përket një rrethi të veçantë të ndërtimit substancial në natyrë, dhe ato, me kohë, zhvillojnë dhe kultivojnë edhe më shumë energjinë disponuese, së bashku me rritjen e mëtejshme të aftësive rrezatuese.

E lënë për një kohë të gjatë pas dore, sot, shërimi përmes kristaleve dhe gurëve tjerë fisnik, sërish rikthehet në gjirin e mjaft metodave tjera tejet efikase të shërimit tradicional të sëmundjeve të ndryshme. Tanimë, kjo metodë shëruese, praktikohet nëpër klinikat e njohura të mjekësisë natyrore anë e kënd botës.

Përparësitë e shërimit me këtë metodë janë: kanë ndikim mrekullibërës, nuk prodhojnë veprime negative shoqëruese, mund të aplikohen po ndonjë problem edhe në shtëpi, si dhe, njëkohësisht, ato mund të sigurohet fare lehtë!

Suksesi i mjekësisë përmes gurëve shërues është pothuajse i përmasave të habitshme: politikanët, aktorët, shëruesit që preferojnë barërat natyrore, vet i famshmi poet Johan Volfgang Gëte, kanë bartur gurët që kanë efekte shëruese dhe që posedojnë fuqi për ndikim sensacional.

Disa prej njerëzve kanë dëshirë që vetes t'ia përgatitni një eliksir (guri lihet një orë në ujë dhe pastaj ujin piheni) ose të bartin gurin e tyre të dashur, fatsjellës e mbrojtës, të varur në një zinxhirë rreth qafës.

Është një mrekulli kjo? - Jo! Ngase të gjitha llojet e gjallesave dhe trupat e kësaj toke, qëndrojnë në një fushë energjetike.
Çka ka më të bukur se sa bartja e një guri fisnik, i bukur, shumëngjyrësh- në qafë, kur e dini se prej tij ju vijnë një varg të mirash, qoftë në mbarëvajtjen e shëndetit, por edhe ruajtjen e baraspeshës shpirtërore?

Andaj, shfrytëzoni edhe ju këto mrekulli të natyrës, të njohura për më se mijëra vjet për aftësitë e tyre shëruese dhe baraspeshën e tyre të brendshme.

Në vazhdim, ne do t'i japim disa shembuj të gurëve fisnik dhe ndikimit të tyre. Ato mund të gjenden lehtë në treg dhe barten sipas përkatësisë së muajit shënjuesit të caktuar të horoskopit.

Bartni çdo muaj gurin shërues përkatës rreth qafës suaj dhe lëreni t' ju vijë në ndihmë - ashtu si kanë vepruar mijëra njerëz dhe që i janë gëzuar për çdo ditë formës së mirë, shëndetit e disponimit të mirë!

	Onyksi i zi - Guri i Ujorit (20 janar - 18 shkurt) Në kuadër të gurëve shërues radhitet në mesin e atyre gurëve që i dedikohet efekti pozitiv në qarkullimin e gjakut dhe shërimin e plagëve. Ai na mbron neve nga ndikimet e shfaqura negative.
	Ametysti - Guri shërues i peshkut (19 shkurt - 20 Mars) Shpërndarësi i dhimbjeve vetanake! Është veçanërisht me efekte pozitive në çlirimin nga migrena, shtangimit dhe frika. Ndërmjetëson sigurinë.
	Jaspisi - Ai ndikon më së shumti në shenjin e dashit (21 Mars - 20 prill) . Ai duhet ta rregullojë qarkullimin e gjakut, ta forcojë sistemin mbrojtës të trupit dhe të ndihmojë në daljen nga gjendja e shpërqendruar dhe prej harrestari. Një gurë me fuqi të jashtëzakonshme, që ju ndihmon të keni qëndrim dhe ta ktheni vetëbesimin.
	Kuarci i trëndafiltë - Në shënjuesin e demit (21 prill - 20 maj) Gurë për zemër! Kuarci i trëndafiltë vlen si gjësend për forcimin e zemrës dhe përmirësim të gjendjes shpirtërore, pastaj për shërim në rast sëmundjesh të zemrës me bazë psiqike dhe në rastet e humbjeve të ndonjërit prej njerëzve të dashur.
	Muzahati - Guri i binjakëve (21 maj - 21 qershor) Do të duhej të ndikojë pozitivisht veçmas në procesin e metabolizmit dhe në atë të përpunimit të gjëndrës së barkut. Ai duhet të ndihmojë dhe t'na mbrojë nga varësia (prej drogës, duhanit, alkoolit etj.) dhe t'na forcojë vullnetin dhe dëshirën për jetë.
	Aventurini - Kristal i kancerit (21 qershor - 22 korrik) Ndikon para së gjithash në lëkurë të njerëzve. Kështu ai aplikohet në ambulancat e mjekëve popullor, kryesisht në luftë për zbutjen dhe mënjanimin e vuajtjeve të nduar-nduarshme që shkaktojnë sëmundjet e lëkurës. Romakët e vjetër ishin të bindur se, Aventurini forcon ndjesinë e guximit dhe optimizmit.
	Kristali i brigjeve - Guri shërues i Luanit (23 korrik - 22 gusht). Kristali i kthjelltë i brigjeve zhvillon fuqitë e tij më të mira shëruese në shenjën e Luanit Ai do të duhej që të ndikojë në kthjellimin e save të lodhur; të zbusë vuajtjet nga sëmundjet e syve dhe t' i shuaj dhimbjet e kokës. Energjitë e tij pothuajse të dukshme, sjellin dritë në trupin tonë dhe Mbrojnë trupin nga rrezatimet negative të mundshme.
	Syri i tigrit - Guri shërues i virgjëreshës (23 gusht - 22 shtator) Grekët e vjetër e nderonin atë si diç që sjell gjallëri. Në terapinë moderne me gurët fisnik, guri sy tigri, që rri në shenjën e virgjëreshës , konsiderohet se ka ndikim pozitiv në nyje, në nyejt lidhëse dhe në sistemi nervor, duke ndikuar që ta "gjejmë" vetveten.
	Kuarci i borës - Guri i peshojës (23 shtator - 22 tetor) Vlerësohet si rregullator i pasqyrës së yndyrës në gjak; me ndikim pozitiv në aktivizimin e zorrëve dhe në funksionin e mushkërive. Në rrafshin shpirtëror, ai ndihmon në rregullimin e gjendjes shpirtërore të brendshme.
	Karneoli - Guri shërues i akrepit (23 tetor - 21 nëntor) Guri i kuq si gjaku me shkëlqim zjarri. Si gurë shërues i akrepit do të duhej që të ndalë humbjen e paktë të gjakut; të forcojë funksionimin e zemrës dhe mushkërive, por edhe të përkujdeset për sasinë e nevojshme të oksigjenit në gjak. Ai ju dhuron kënaqësinë e jetës dhe ngrohtësinë e duhur.
	Sodaliti - Guri shërues i shigjetarit (22 nëntor - 21 dhjetor) Sodaliti i kalfët në të mbylltë i përket shenjës së shigjetarit Barteni atë në qafë gjatë këtij muaji, që të arrini t'i shfrytëzoni aftësitë e tij shëruese në mënyrë optimale. Ai ndikon pozitivisht tek gjëndrat dhe si mjet ndihmës edhe për diabetit, njerëzit me mbipeshë të theksuar dhe me shtypje të gjakut të lartë. Ai do të duhej t' i forcojë njerëzit sensibil (e ndjeshëm) dhe t'ju mbrojë nga frika.
	Fuçibërësi - Guri shërues i Bricjapit (21 dhjetor - 19 janar) Ngushlluesi dhe paqësori i shpirtit. Guri i Bricjapit ndihmon nervat, në rast shqetësimi dhe stresi. Ai do të duhej t'ju ndihmojë në ruajtjen, respektivisht rivënien në vend të qetësisë së brendshme, në rikthimin e fuqisë, por edhe t' ju bëjë të mundur t' i përballoni vështërsitë e ndryshme.

Përgatitur nga: Adnan Abrashi-NANDA